Grondius concert el Casti Aspermont ils 18-06-2017

 18.06.2017 35 Emilia v. Albertini e Giusep Tschuor 1

Ella sala da musica dil Casti Aspermont han la violinista Emilia von Albertini e Giusep Tschuor (clavazin) dau in excellent concert.

Il publicum ei staus incantau dallas producziuns. La giuvna von Albertini ha entschiet cun 5 onns a sunar violina. Cun 7 onns ha ella gia sunau sco solista en in chor da giuvenils. Cun 9, 10 ed 11 onns ha ella gudignau differentas occurenzas internaziunalas ell'Italia e la Belgia. Il publicum da Sagogn vegn segir a persequitar la carriera da quella giuvna musicista.

La Pro Sagogn engrazia allas suandontas persunas che han contribui al reussir da quei bellezia concert:

Emilia von Albertini e Giusep Tschuor per lur producziuns

Wolfram Kuoni per astgar far il concert el casti, per las portas aviartas e per il vin

Kobi Giger ed Yvonne Le Grand per l'infrastructura e per lur agid

Ingrid Meyer e Steffi Poltéra per il bien apero

a tut las audituras ed auditurs per lur preschientscha.

Fotografias dall'occurenza

 

 

Era il 2017 ein las turas dad orchideas stadas tschercadas

27.05.2017 4

27-05-2017

3.6.2017

03-06-2017

Las empremas duas turas dad orchideas ein gleiti stadas vendidas ora. Pervia dalla schitgira ha ei giu in tec pli paucas orchideas ch'ils davos onns. Tuttina ein ils participonts stai surstai dalla varietad dad orchideas e dalla vesta ella Ruinaulta. Per il bi e bun apero han Karin Kofler e Stefanie Poltéra survegniu in applaus spontan.

Ad ellas ed a Sepp Zemp in grond engraziament per lur grond agid.

Fotografias dallas turas dad orchideas 2017

La davosa tura ha liug ils 28 da zercladur 2017. Annunziar per plascher.

 

Concert el Casti Aspermont 18-06-2017

serenada da stad

Von Albertini e Tschuor sunan ovras da Schubert, Sarasate, Wienawski e Massenet.

Duront il apero suenter il concert stat il casti aviarts per visetas.

Senda nova sut il vitg dadens aviarta dapi igl 01-05-2017

DSC02504

 Sepp Zemp en acziun.

foto senda

En cunvegnientscha culs proprietaris ed ils purs dil terren pertuccau ha la Pro Sagogn realisau quella nova senda provisoricamein. Buca bandunei la senda e rimnei per plascher ensemen Vies rumien ed ils excrements da Vos tgauns. Sper quella senda cuan utschals spezials en ignivs silla tiara. Perquei ein tgauns da tener vid la tschenta. Aschiditg ch’ei dat neginas reclamaziuns sa la senda restar aviarta. Duront la pasculaziun (vaccas mumma!) resta la senda serrada.

Engraziel per Vossa capientscha e bien divertiment cun quella nova purschida che la Pro Sagogn ha astgau realisar.

In grond engraziament als proprietaris ed als purs, surtut a Peter Zinsli, Valendau, che han possibilitau la senda.                         

Las turas dad orchideas dils 27-05 e 03-06-2017 ein vendidas ora.

Turas dad orchideas

  DSC03422 DSC03446

Cun Sepp Zemp e Luis Poltéra

Sondas, ils 27 da matg ed ils 3 da zercladur 2017

Liug da s’entupar: parcadi sper scola Sagogn allas 08:30

Ruta: Bargaus-Foppas-Tuora-Planezzas (ca. 4 1/2  uras, 10 km, 400m differenza d'altezia)

La tura meina Vus tier differents plazs dad orchideas e tier bellezia puncts da vesta ella Ruinaulta.  

Da bialaura grillein nus suenter la tura, circa allas 13:00, enta Planezzas. 

Marenda ord il sacados.

Cuosts inclus apéro e bubrondas enta Planezzas: Commembers da Pro Sagogn, indigens, possessurs da cartas da hosps ed affons frs. 5.- per persuna.

Ulteriuras persunas frs. 25.- per persuna.

L’excursiun ha liug era da macort’aura. Buns calzers!

Ulteriuras informaziuns ed annunzias sut Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! ni tier Luis Poltéra, tel. 079 440 69 39.

Ulteriuras turas sin damonda.

Las victuras ed il victur dil ruclar ovs 2017

ruclar ovs 2017 35

Seniester: Lara Gygax, Killwangen, victura teir ils affons pigns

miez: Martin Hunger, Sagogn, victur tier ils carschi

dretg: Emma Knight, Sagogn, victura tier ils scolars

Cordialas gratulaziuns allas victuras ed al victur.

 In grond engraziament a tuttas e tuts participonts e sin seveser l'auter onn da gliendisgis Pastgas (02 d'avrel 2018).

ruclar ovs 2017 33

Fotografias dil ruclar ovs 2017

La casetta da cudische ei vegnida inaugurada ils 15 d'avrel 2017

15 04 2017 15

Il president communal, Hans-Peter Casutt ed Ingrid Meyer da Pro Sagogn taglian il pindel.

15 04 2017 16

In numerus publicum ha visitau l'inauguraziun ch'ei vegnida embellida cun musica dalla "Alphorngruppe Ruinaulta".

La casetta ei aviarta mintga gi dallas 07:00 - 20:00 uras. Mintgin astga prender ni purtar cudischs gratuitamein.

La Pro Sagogn engrazia alla suprastonza dalla vischnaunca Sagogn ed a tut ils gidonters per lur sustegn e spera da saver augmentar cun quella nova purschida puspei in tec l'attractivitad da Sagogn.

Fotografias dall'inauguraziun

 

Niev: Vinars da Pro Sagogn

DSC01660

Igl vinars dalla Pro Sagogn ei producius.

Or da meila che voluntaris han raccoltau igl atun vargau ha la firma Daguot a Glion barschau vinars. Ils dus emprem vinars ein ord Meila d'aur ni ord Berner Rosen.

Nos vinars ein ina specialitad da Sagogn. Els ein vegni barschai ord meila da pumera aulta da Sagogn. La meila ei mai vegnida sprizzada.

Cun la cumpra da nos products sustenis Vus il project da manteniment dalla pumera aulta da Sagogn che la Pro Sagogn ha lantschau il 2015.

Prezis:
Vinars Meila d'aur 0.5l 40% frs. 29.-
Vinars Meila d'aur 0.2l 40% frs. 18.-
Vinars Berner Rosen 0.5l 40% frs. 29.-

Ulteriurs vinars suondan.

Ei ha aunc must da Sagogn: Must pastorisau, buca filtraus en "bag in box" da cartun: 5 liters frs. 14.-, 10 liters frs. 25.-. Quei must san ins conservar sil pli pauc 1-2 onns.

DSC01665 bag in box 5l

Empustaziuns saveis Vus far direct sin Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! ni tier Luis Poltéra 081 921 63 51.

Daniel Vincenz, Vella, gudogna il 6avel turnier da troccas dalla Pro Sagogn

turnier 20 01 2017 64

Ils victurs dil 6avel turnier da troccas dils 20 da schaner 2017 ein: Claudio Camathias, Sagogn (2. seniester.), Daniel Vincenz, Vella (1.) e Josef Cadruvi, Schluein (3., dretg).

Cordialas gratulaziuns als victurs.

Grazia al grond engaschament da Renata Cathomas e Johann Cantieni ha ei danovamein dau in niev record da participonts. 40 persunas da Mustér tochen Turitg han battiu per la victoria. Danovamein ein biars giuvens separticipai, il pli giuven era, cun 14 onns, Anian Camathias, il fegl da Claudio.

Renata Cathomas ha schau far l'artista Yvonne Gienal (Glion)  ina trofea specialmein per ils victurs da nies turnier ed ella ha era gest sponsurau quels premis. Il maletg da quella trofea muossa las quater colurs dallas troccas. Era per quels fetg bials premis in grond engraziament a Renata. Nus engraziein era al organisatur Johann Cantieni, sia dunna Jeannette per l'ustria ed a lur fegl Gion-Andri per la lavur cul computer.

In grond engraziament a tut ils participonts, specialmein al president dall'Uniun grischuna da troccas, signur Andreas Muot, Panaduz. Nus sperein che tuts seigien stai cuntents cul turnier e ch'els turnien puspei a Sagogn.

Fotografias 6avel turnier da troccas

 

Nova punt sul Rein

DSC00959

DSC00964

 

Dapi ils 22 da december 2016 ei la punt sul Rein denter Schluein e Castrisch aviarta.