21avel Kino Sagogn ils 26 d'october 2019

Fotografias dalla sera

Plakat A3 Kino Pro Sagogn 2019 G z D 03 1 Groß

Uonn muossa il kino dalla Pro Sagogn ina historia fetg divertenta. Suenter 30 onns sentaupan ils dus frars Georg e Christian puspei tier la sepultura da lur bab. Schegie che Christian stuess ir anavos a Singapur muort sia lavur,sedecida el da realisar cun siu frar in siemi che els vevan gia giu da giuven. Carrar cun lur mopeds naven dil liug nativ dil Schwarzwald tochen tier la splagia digl Ost. Sin lur viadi dat ein enqualins incaps e sentupadas che els han da surmontar.

Il film ei divertents,mo ha tuttina in profund coc.

All’entschatta presenta il team dal Circus Rhinoceros, Maria e Rainer Dunst cun ils affons dal Circusyoga ina producziun unica ed interessanta.

Tgira dad orchideas enta Planezzas ils 28-09-2019

28.09.2019 24

Fideivlas gidontras e fideivels gidonters

28.09.2019 18

Ernst Götz da Castrisch silla carga fein

Era uonn ha Luis Poltéra astgau beneventar in pign, denton luvrus e motivau diember voluntaris tier la tgira dad orchideas enta Planezzas. Da Turitg, Gossau, Sviz, Laax, Glion e Catrisch ein las 5 gidontras ed ils 5 gidonters vegni. Per lur engaschi engraziein nus ad els zun fetg, specialmein ad Ernst Götz. Malgrad 89 onns ha el luvrau sco in giuven ed ei perfin ius sin la carga fein.

Suenter la lavur ha la Pro Sagogn offeriu ina grillada.

Era alla vischnaunca Sagogn in grond engraziament per il segar, il auto, las maschinas ed ils uaffens.

Fotografias dalla tgira dad orchideas

 

Pro Sagogn al marcau dil vitg dils 14-09-2019

 

14.09.2019 4 Groß   14.09.2019 Wettbewerb

14.09.2019

Per il stan dalla Pro Sagogn al marcau dil vitg dils 14 da settember 2019 ei la nova suprastonta, Ursi Häfliger (dretg), cun agid da Ruth Schlüer, Flaach e Werner Niederhauser, Sagogn, stada responsabla. Cun sia concurrenza da fotografias (foto sura, dretg)ha ella obteniu gronda attenziun e giu grond success. 112 persunas han priu part alla concurrenza.

5 carschi han enconuschiu tut las 14 fotografias da Sagogn. La sort ha tratg las treis victuras: Josefina Lechmann, Sagogn, Adriana Bergamin, Schluein e Sibylle Zihlmann, Oberwil. Ellas han retschiert in canaster dil Volg cun products indigens.

Tier ils affons ha ei dau dus victurs: Lian Weishaupt Luca Cavelti, omisdus da Sagogn. Els han survegniu in cudisch.

Cordialas gratulaziuns allas victuras ed als victurs.

 

Attachments:
Download this file (2019-09-20 RU Markt Sagogn.pdf)Markt in Sagogn[RU 20-09-2019]208 kB
Download this file (2019-09-17 LQ Fiera a Sagogn.pdf)Fiera a Sagogn[LQ 17-09-2019]424 kB

Toni Steger gudogna igl 8avel turnier da troccas dalla Pro Sagogn

25 01 2019 51

Ils victurs digl 8avel turnier da troccas dils 25-01-2019:

Peter Montalta, Schluein (3., sen), Toni Steger, Glion (1.) e Linus Deplazes, Rabius (2.). Cordialas gratulaziuns.

Al turnier dil 2018 haveva la giuvna Laura Jemmi aunc dumignau Montalta e Steger. Uonn han els giu dapli cletg ed han gudignau mintga scart. Quei cletg han buca tut ils profis giu, sco per exempel il passiunau trochist Paul Marty che ha buca gudignau in soli giug ed ha terminau il turnier sco davos. El ha priu quei cun humor (mirei la fotografia ella gallaria).

Cun 48 participontas e participonts ha la Pro Sagogn astgau registrar in niev record. Igl ei fetg legreivel che biars trochists novs, denton era trochists versai prendan part al turnier a Sagogn. Denter quels ein Peter Montalta, il campiun grischun dil 2015, la campiunessa grischuna dil 2018, Renata Cathomas, la vicecampiunessa grischuna dil 2018, Flurina Cathomas ni il niev vicecampiun grischun dil 2019, Vitus Dermont. In noviz ei staus David Flurin Cabernard da Glion, cun 10 onns il pli giuven participont. In grond bravo.

In grond engraziament alla menadra dil turnier, Renata Cathomas, per siu engaschi e per ils bials diploms dall' artista Yvonne Gienal ch'ella ha schau crear. Medemamein engraziein nus ad Annalisa Cathomas ed ad Andrea Marty per la registraziun dalla gliesta da rangaziun.

Agl organisatur dil turnier, Johann Cantieni ed a sia dunna Jeannette (restauraziun), engraziein nus per la perfetga organisaziun.

In special engraziament a tut las participontas e tut ils participonts per lur preschientscha. Nus sperein sin in seveser il 2020.

Fotografias dil turnier 2019

 

Las loipas a Sagogn ein serradas dapi ils 4 da mars 2019

DSC01447 Groß

Dapresent ein las loipas e las sendas da viandar denter Sagogn e Schluein enten in excellent stan. Gudi ellas! Mo ils differents excrements disturban il bi maletg.

Loipas serradas dapi ils 04-03-2019.

DSC01411 Groß

Il Selvaclub Sagogn meina era uonn l'ustria e selegra da Vossa viseta.

L'ustria ei era serrada dapi ils 04-03-2019.

Il presidi dalla Pro Sagogn resta vacant

Alla radunonza generala dils 16 da schaner 2019 ha la Pro Sagogn buca saviu occupar il presidi suenter che Luis Poltéra haveva demissiunau. L'ulteriura suprastonza ei vegnida reelegida en globo. Aschia sa la Pro Sagogn cuntinuar cun sias activitads senza problem. Ils projects da tgira dalla tschenta da pumera e dallas orchideas vegn Luis Poltéra a menar vinavon. Per siu engaschi ei Poltéra vegnius numnaus commember d'honur.

La Pro Sagogn gratulescha als reelegi ed al niev commember d'honur.

Niev en suprastonza ei Ursi Häfliger vegnida elegida. Era ad ella cordialas gratulaziuns.

DSC01366 Groß

Cuors da troccas per entscheviders ha giu liug ils 10-11-2018

9 persunas han priu part a quei cuors e vegnan speronza a dar vinavon troccas.

DSC00905 Groß

La Pro Sagogn organisescha in cuors da troccas per entscheviders ils 10 da november 2018.

Cuoz: 10:00 entochen las 15:00 uras. Pausa da miezgi dallas12:00 entochen las 13:00 uras, pign puschegn.

Liug: sala dalla casa parvenda reformada Sil Crest, Sagogn

Cuosts: Frs. 25.- incl. pign puschegn e bubrondas (senza vin)

S'annunziar entochen ils 30 d'october 2018 tier Johann Cantieni, e-mail Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

 

Segau Planezzas ils 29 da settember 2018

29.09.2018 4

Dapi il 2012 sega la Pro Sagogn regularmein ina pastira dad orchideas enta Planezzas. Igls emprems onns havein nus surtut stuiu scarpar ora faletga. Ussa sto la pastira vegnir segada regularmein per che caglias creschien buc. Aschia survegnan las orchideas avunda sulegl e san crescher meglier.

29.09.2018 1

Luis Poltéra ha saviu beneventar 10 voluntaris tier quella lavur cumina. Igl ei fetg legreivel che biars gidonters vegnan regularmein a gidar. In grond engraziament ad els.

Era alla suprastonza dalla vischnaunca Sagogn engraziein nus per il luvrer communal e per las maschinas. Barclamiu Arquisch ha segau la pastira en moda perfetga. Engraziel zun fetg.

Suenter la lavur ha la Pro Sagogn offeriu ina grillada. Il star da cumpignia ha bunamein cuzzau pli ditg che la lavur. Engraziel Maria Meyer per il preparar la grillada.

Fotografias dalla lavur cumina