Tura da bike cun Linard Candreia ella plievgia

 

DSC04366

La tura culturala da bike cun Linard Candreia ils 20 da zercladur 2015 ei stada bletscha e freida.

Era sch'il termometer mussava mo 11° ed ei plueva ein in pèr persunas sentupadas alla canzlia per far la tura.

Il scolast da historia Candreia ha saviu dar dabiaras interessantas informaziuns da tempra historica.

Nua chei era pusseivel ha la pintga gruppa mirau dad anflar in suttetg, aschia era ella casa da club da ballapei "Crap Gries" a Schluein.

Leu essan nus, probabel sco emprems hosps dil stadiun, perfin vegni survi da Gian Arpagaus cun caffè! Engraziel fetg Gian.

Alla fin dalla tura ha ei schizun dau in tec sulegl.

Pro Sagogn engrazia zun fetg a Linard per quella interessanta tura culturala.

Fotografias dalla tura culturala

 

Tura culturala da bike cun Linard Candreia ils 20-06-2015

 DSC02143

Partenza da tutt’aura: 8.30 uras naven dalla canzlia communala Sagogn.

Ruta: Sagogn – Schluein – Glion – Valendau – Sagogn.

Duront la ruta dat ei informaziuns da tempra historica, p.ex. davart las bovas a Schluein, ina miniguidada tras Glion, aspects dall’emigraziun a Castrisch, ils mercenaris da Valendau e historiettas sursilvanas ord „Crappa da sulada – Pflastersteine“ da Linard Candreia.

Indigens e hosps endrieschan biaras interessantas caussas. 

Marenda ord il saccados.

Participaziun senza reservaziun.

Collecta.

La tura ei era adattada per e-bikes.

Grond interess per la tura dad orchideas

DSC03396

Alla tura dad orchideas dils 30 da matg 2015 ha la Pro Sagogn puspei saviu beneventar varga 50 persunas.

Ila participonts han saviu admirar circa 15 differentas orchideas.

Sin la foto tschefalantras cun feglia liunga enta Foppas.

Dasperas han els era saviu mirar giu ella Ruinaulta.

Il punct culminont ein puspei stadas las pliras tschient Pantoflas-Nossadunna egl Uaul Grond.

In grond engraziament a Sepp Zemp ed a Steffi Poltéra per lur grond agid.

Fotografias dalla tura

Fotografias dallas orchideas da Sagogn

Las orchideas flureschan puspei

DSC03019  DSC03030

DSC02991  DSC02701

Ussa san ins puspei admirar las bialas orchideas da Sagogn.

Sura: la listera (san.) e l'orchidea capellina.

Sut: l'orchidea pintga (san.) e la muscarella.

Pro Sagogn metta puspei ora las tablas d'informaziun che Ernst Hess ha fatg. Quellas vegnan mess si sper orchides che creschan sper ina via ni in trutg da spassegiar.

Aschia vulein nus far attent Vus sin las bialas flurs e far in plascher a Vus.

Dapli fotografias dallas orchideas

Tura dad orchideas 30 da matg 2015, annunziar ussa!

Spassegiada da jarvas selvadias cun Peter Enz

DSC02805

Il menader dil curtgin botanic dall'universitad da Turitg, Peter Enz, ha saviu raquintar biar sur da nossas jarvas magliablas.

Ils numerus participonts han empriu dad enconuscher e da cuschinar differentas jarvas.

Dunna Marina Enz ha preparau ina delicata degustaziun.

Pro Sagogn engrazia a Marina e Peter Enz per la fetg interessanta e buna excursiun.

Fotografias dall'excursiun cun Peter Enz

Tura dad orchideas 30-05-2015: annunziar ussa!

Orchideenwanderung 2015

Annunzias: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! 

Jarvas selvadias 14-05-2015: Negins plazs pli!

jarvas 2015

Annunziar cheu: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Las victuras dil ruclar ovs 2015

DSC02283

Era cun temperaturas d'unviern han varga 90 persunas ruclau ovs ils 06 d'avrel 2015.

Las victuras ein:

tier ils affons pigns: Vanessa Cavegn, Glion

tier ils scolars: Nina Peng, Schluein

tier ils carschi: Isa Cavelti, Sagogn.

Pro Sagogn gratulescha allas victuras che han dumignau tut ils umens ed engrazia a tuts per la participaziun.

Il proxim ruclar ovs ha liug ils 28 da mars 2016 sch'igl ei schetg.

Fotografias ruclar ovs 2015

La pagina ei stada serrada pervia dad ina infecziun cun malware

Per eliminar segir quei donn ha l'entira pagina stuiu vegnir endrizzada en da niev. Pervia dallas biaras funcziuns, las bunamein 8000 fotografias e la bilinguitad ha quei dau bia lavur ed ha cuzzau in tec pli ditg.

Nus seperstgisein per l'interrupziun.

Cun l'installaziun dalla pagina havein nus era gest midau sin la pli nova versiun dalla homepage ed havein fatg differentas meglieraziuns. La pli impurtonta ei il niev format dallas fotografias. Ellas ein ussa pli attractivas.

Differentas correcturas ston aunc vegnir fatg il proxim temps. 

Pro Sagogn spera da saver porscher a Vus vinavon interessantas informaziuns e da far plascher a Vus cun la nova pagina.

In fetg grond engraziament a Gian per sia excellenta lavur.

Tegia Nordica niev cun smarschaneras

DSC01907

 Seser en ina smarschanera suenter ina spassegiada ni suenter haver fatg cuorsa liunga, quei saveis far ussa sin la terrassa dalla Tegia Nordica.

Linus manegia ch'ellas seigien cumadeivlas.

Pro Sagogn ha organisau ellas per la Tegia Nordica.

Meinrad Cadruvi gudogna il 4.turnier da troccas dalla Pro Sagogn

turnier 16-01-2015 64

Cordialas gratulaziuns als victurs e la victura dil quart turnier da troccas dalla Pro Sagogn dils 16 da schaner 2015.

Gudignau ha Meinrad Cadruvi, Ruschein (seniester) avon Gion Balzer Casanova, Laax (dretg) e Luzia Jacomet da Muster.

Al turnier ha ei giu participonts dall'entira regiun e surtut era biars giuvens che dattan troccas per part en in club giu Turitg.

Quei ha fatg grond plascher a nus!

Il turnier ei vegneus organisau en moda suverana da Renata Cathomas. Ella ha era animau biars da separticipar. Engrazia fetg!

in grond engraziament va a Johann Cantieni che ha organisau per l'emprema ga il turnier e quei cun fetg grond success. Nus havein giu in niev record da participonts (28 persunas), Johann ha organisau bials diploms per ils victurs e buns premis per mintga participont. Aschia han perfin quels cun schliatas hartas giu plascher.

Ils 15 da schaner 2016 vegn ei probabel a dar il proxim Turnier da troccas a Sagogn.

Fotografias dil turnier 2015