La loipa ei gia luada

IMG 5061

Il Selvaclub ha gidau preparar la loipa.

Cun plirs taglianeivs han biars gidonters bess en neiv ella loipa per saver preparar ella.

Sperein che quella gronda lavur seigi buc per dominum clavella.

In grond engraziament al Selvaclub ed all'uniun da traffic Sagogn.

 

Annunzias 4. turnier da troccas 16-01-2015

 Turnieret da troccas

foto troccas

Cura: Venderdis il 16 da schaner 2015 allas 20 uras

Nua: Ell’Ustria Sil Plaz a Sagogn

Participonts/-as: Tuttas/tuts che han interess da dar troccas. Diember maximal da participonts: 28.

Menadra dil turnier: Renata Cathomas, Glion

Rangaziun: Mintgina e mintgin gioga per sesez, vul dir ch’ins dat duas rundas cul partenari che vegn elegius cun trer la sort. Lu vegnan ils puncts contonschi annunziai alla menadra dil turnier. Il giug va vinavon cun in niev congiugadur. Victur dil turnier ei il participont cun ils pli biars puncts.

Inscripziun: Tochen ils 6 da schaner 2015 tier Johann Cantieni (081 921 33 68 / 077 448 01 28) ni cun mail all’adressa: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Ina sperta annunzia simpifichescha l'organisaziun. Engraziel!

 

Enstagl da neiv flurescha il maler

IMG 0917

Il maler dalla sort Ananas Reinette da Maja ed Ernst Hess, Encarden 4, Sagogn senta la primavera.

Foto: Gion Arpagaus, 15.12.2014

Nus savein sevilentar sur dalla munconza da neiv ni selegrar sur dalla biala flur.

Tgei ei meglier?

La nova suprastonza dalla Pro Sagogn 2014 - 2016

DSC05745

La nova suprastonza dalla Pro Sagogn:

davostier: Christian Buchli (niev), Natascha Cavelti, Lucien Stern (cassier), Roland Derungs e Johann Cantieni (niev),

davontier: Maria Mongili Darms, Luis Poltéra (president), Ingrid Meyer (actuara).

Deplorablamein han demissiunau: Augustin Beeli, Pieder Caduff, Anna Helena Cavelti e Cornelia Meyer.

Pro Sagogn engrazia ad els per lur fetg grond engaschament per l'uniun.

 

Augustin Beeli e Pieder Caduff commembers d'honur dalla Pro Sagogn

                     Radunonza generala 2014 11

Alla radunonza generala dalla Pro Sagogn dils 30 d'october 2014 ein Augustin Beeli e Pieder Caduff vegni numnai commembers d'honur dall'uniun per lur grond engaschament sco iniziants e suprastonts dil Cerchel cultural Sagogn e da Pro Sagogn.

Duront 21 onns han els prestau gronda lavur per l'uniun. Els han organisau duront varga dus decennis biaras occurenzas ed han aschia augmentau considerablamein l'attractivitad culturala da Sagogn.

La Pro Sagogn gratulescha als honorai da tut cor ed engrazia ad els zun fetg per lur lavur e spera ch'els hagien ussa, suenter la demissiun ord la suprastonza, dapli temps liber.

Fotografias dalla radunonza generala 2014

Fotografias Wine & Dine 18.10.2014

Wine  Dine 2014 1

Wine & Dine cul tema "Frontscha" ei danovamein staus vendiu ora.

Walter Schibli ha saviu raquintar biar sur dils vins franzos.

Per il survetsch ein, sper il team dall'ustria Sil Plaz cun il chef Lepi, Silvia e Laura Schibli stai responsabels.

In grond engraziament alla famiglia Schibli ed al team dil Sil Plaz.

Probabel dat ei ils 17 d'october 2015 il 7avel e davos Wine & Dine cul tema "vins svizzers".

Fotografias Wine & Dine 2014

Wine & Dine 18-10-2014: annunziar ussa!

Wine  Dine HPm

Ils 18 d'october organisescha Pro Sagogn puspei il Wine and Dine cun Silvia e Walter Schibli.

Quella ga ell' Ustria Sil Plaz. Igl ustier Lepi offerescha in menü special per frs. 80.- per persuna, inclusiv ils vins franzos.

Annunzias pren bugen encunter Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! .

 

Attachments:
Download this file (Wine and Dine HP mit Wappen.doc)Il menü franzos[ ]132 kB

16 avel Kino Open Air Sagogn: in cumplein success

DSC05070

Il 16 avel Kino Open Air Sagogn ha stuiu vegnir dislocaus ella halla plurivarenta pervia dalla macort'aura.

In grond publicum ha dau suatientscha al invit da Pro Sagogn ed ha gudiu sper il film impressiunont " Die Schwarzen Brüder" da Xavier Koller el preprogram dus bands dalla Scola da musica Surselva, la HARD MILK e SPECIAL culs dus scolars da Sagogn Anian Camathias ed Anik Casutt.

Quellas dus bands sut la bitgetta da Corsin Stecher han incantau il publicum. Pro Sagogn giavischa ad ellas vinavon bien success.

Il Kino Open Air ei mo staus pusseivel grazia a nos sponsurs fideivels. In grond engraziament ad els.

Ils sponsurs dil Kino Open Air

Fotografias dil Kino Open Air 2014

Kino Open Air Sagogn 2014 en halla plurivalenta!

Plakat Kino 2014

Adatg: en halla plurivalenta!

Grillada naven dallas 18:00 uras.

Attractiv preprogram naven dallas 18:30 cun dus bands dalla Scola da musica Surselva cun dus musicists da Sagogn:

HARD MILK cun Anian Camathias e SPECIAL 7 cun Anik Casutt.

Entschatta dil film allas 20:30 uras!

 Nos sponsurs