16 avel Kino Open Air Sagogn: in cumplein success

DSC05070

Il 16 avel Kino Open Air Sagogn ha stuiu vegnir dislocaus ella halla plurivarenta pervia dalla macort'aura.

In grond publicum ha dau suatientscha al invit da Pro Sagogn ed ha gudiu sper il film impressiunont " Die Schwarzen Brüder" da Xavier Koller el preprogram dus bands dalla Scola da musica Surselva, la HARD MILK e SPECIAL culs dus scolars da Sagogn Anian Camathias ed Anik Casutt.

Quellas dus bands sut la bitgetta da Corsin Stecher han incantau il publicum. Pro Sagogn giavischa ad ellas vinavon bien success.

Il Kino Open Air ei mo staus pusseivel grazia a nos sponsurs fideivels. In grond engraziament ad els.

Ils sponsurs dil Kino Open Air

Fotografias dil Kino Open Air 2014

Kino Open Air Sagogn 2014 en halla plurivalenta!

Plakat Kino 2014

Adatg: en halla plurivalenta!

Grillada naven dallas 18:00 uras.

Attractiv preprogram naven dallas 18:30 cun dus bands dalla Scola da musica Surselva cun dus musicists da Sagogn:

HARD MILK cun Anian Camathias e SPECIAL 7 cun Anik Casutt.

Entschatta dil film allas 20:30 uras!

 Nos sponsurs

 

 

 

 

 

 

 

Open air concert "STOON" a Sagogn

STOON-Konzert  27

In pulit auditori ha visitau ils 5 da fenadur 2014 il open air concert cun "STOON" sil Plaz Sutprei.

Peter Zeugin che ha ina habitaziun da vacanzas a Sagogn ha concertau cun sia band gia per la tiarza ga a Sagogn.

Ils dus davos onns cun Heinz dall' Ustria Cresta. Uonn per l'emprema ga cun Pro Sagogn cunquei che Heinz ei buca pli a Sagogn.

Malgrad il campiunadi mundial da ballapei ein varga 60 persunas stadas presentas ed han gudiu quei concert da rock - pop - blues.

In grond engraziament a Peter cun sia band per lur concert gratuit. In engraziament era a Lepi per l'ustria ed alla giuventetgna per la tenda.

Fotos dil concert

Undraziuns per Ignaz Arpagaus ed Andrin Beeli

Notg 2

Il trenader dil Club da velos Surselva, Ignaz Arpagaus, ei vegnius undraus dalla Federaziun grischuna da sport sco trenader grischun dil 2014.

Il biker da muntogna Andrin Beeli ei vegnius sportist grischun 2014 tier ils giuvens.

Pro Sagogn gratulescha als dus umens da Sagogn e giavischa vinavon bia success.

Andrin, mira da buca scumbigliar pli ils velos duront ina cuorsa!

Scarpau ora fletga ils 07-06-2014

07.06.2014 12

13 persunas da maneivel (Sagogn,Falera,Flem) e da lunsch (cantuns Turitg e S. Gagl) han scarpau ora fletga.

Suenter la lavur ha Pro Sagogn offeriu ligiongias e bubrondas.

Tgi che ha buca saviu prender part alla tura dad orchideas la jamna vargada ha aunc saviu far ina pintga guidada tier differentas orchideas.

Pro Sagogn engrazia a tuts gidonters zun fetg.

Ils 19 da zercladur ed ils 27 da settember 2014 ein las proximas acziuns da scarpar ora fletga.

Fotografias dil scarpar ora fletga ils 07-06-2014

Proxim termin per scarpar ora fletga 19-07-2014

Gronda participaziun alla tura dad orchideas

31.05.2014 24

Alla tura dad orchideas dils 31 da matg 2014 han Sepp Zemp (dretg) e Luis Poltéra saviu beneventar varga 50 persunas.

Surtut hosps da vacanzas, glieud dil contuorn e dalla bassa han priu part a quelle tura ed han saviu contemplar biaras e bialas orchideas.

Il punct culminont ein stadas las pliras tschient Pantoflas-Nossadunna egl Uaul Grond.

Suenter la tura ha la Pro Sagogn offeriu in bien sitg e petta enta Planezzas.

Ils participonts ein stai generus ed han sponsorau differentas tablas dad orchideas.

Pro Sagogn engrazia fetg persuenter.

Tgi che vul sponsorar ulteriuras tablas a frs. 50.- sa s'annuntuar tier Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! .

Fotografias dalla tura

Fotografias dallas 24 orchideas da Sagogn

Sponsurs da tablas dad orchideas

Excursiun ornitologica 10-05-2014

Excursiun ornitologica 2014 11

Varga 20 persunas han priu part all'excursiun ornitologica organisada dalla fundaziun Platta Pussenta e Pro Sagogn.

Jeannette Cantieni, Pirmina Caminada e Gieri Derungs han saviu mussar differents utschals, naven dils pins cuacotschnas da curtgin tochen tils gronds milans.

Fotografias dall'excursiun