Laura Jemmi, Cuera, gudogna il 7avel turnier da troccas dalla Pro Sagogn

DSC05553

Las victuras ed ils victurs dil 7avel turnier da troccas dils 26-01-2018

Cun Laura Jemmi, Cuera, ha per l'emprema ga ina dunna gudignau il turnier. La giuvna trochista ha dumignau l'entira concurrenza, schizun la nova campiunessa grischuna da troccas, Renata Cathomas (cul matg da flurs). Cunquei che Renata, la menadra dil turnier, ei separticipada ord concurrenza ei Toni Steger, Glion (seniester) vegnius secund e Peter Montalta, Schluein (dretg), tierz.

Cordialas gratulaziuns allas victuras ed als victurs, specialmein era alla nova campiunessa grischuna da troccas 2018, Renata Cathomas.

In grond engraziament

- alla menadra dil turnier, Renata Cathomas per lur engaschi e per ils bials diploms dall' artista Yvonne Gienal ch'ella ha sponsurau

- alla famiglia Cantieni, numnadamein al organisatur dil turnier Johann, a sia dunna Jeannette per l'ustria ed a siu fegl Tarcisi per far la gliesta da rangaziun

- a tut las participontas e tut ils participonts per lur preschientscha.

Igl atun 2018 organisescha la Pro Sagogn puspei in cuors da dar troccas per entscheviders. Annunzias tier Johann Cantieni tel. 081 921 33 68 / 077 448 01 28 ni per mail Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! .

fotografias dil turnier

 

Grond publicum alla vernissascha dil cudisch "Sagogn e sia pumera"

03 12 2017 2

Ils 3 da december 2017 ha la Pro Sagogn astgau presentar il cudisch da Gion T. Deplazes "Sagogn e sia pumera". Sper igl autur che ha prelegiu ord siu cudisch ha la grafista Theres Jörger declarau co la presentaziun grafica d'in cudisch vegn elavurada. Il pomolog Gaudenz Zanetti ha mussau si con impurtonta che la pomicultura ei. Denter ils referats ha la flautista Ursina Brun sunau, denter auter sin ina rara flauta traversa da lenn.03 12 2017 11

Ursina Brun suna la flauta traversa da lenn. Igl autur Gion T. Deplazes, la referenta Theres Jörger ed il referent Gaudenz Zanetti teidlan.

Il cudisch sa vegnir empustaus tier Luis Poltéra, tel 079 440 69 39 ni per mail Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!. Prezi: frs. 22.-, porto + frs. 3.-.

Il Volg Sagogn venda era il cudisch.

Fotografias dalla vernissascha

Sera per gidontras e gidonters ils 02 d'october 2017

Il december 2016 era la Pro Sagogn vegnida undrada cul Premi Benevol 2016 per la gronda lavur che voluntaris havevan prestau el rom dil project da tgira per la tschenta da pumera da Sagogn. Cun quels daners ha la Pro Sagogn envidau en ils gidonters ad ina guidada cun apéro el Museum Regiunal Surselva a Glion.

2.10.2017 2

La conservatura dil museum, Marianne Fischbacher, ha menau tras l'exposiziun "Kreuz oder Hahn - Da messa ni da priedi". En quella exposiziun vegn era rapportau sur da Sagogn.

2.10.2017 6

Il maletg muossa igl intern dallas duas baselgias da Sagogn, in sper l'auter sco mussament d'ina vischnaunca paritetica.

2.10.2017 23

Suenter la guidada ha ei dau in apéro reh.

Fotografias dalla sera

Segau Planezzas ils 23 da settember 2017

23.09.2017 28

Gia il 6avel onn ha la Pro Sagogn segau ina pastira enta Planezzas per che las orchideas sappien crescher meglier. Luis Poltéra ha astgau beneventar 15 gidonters tier quella lavur cumina. Il success da quella lavur semuossa el diember da differentas sorts dad orchideas ch'ein carschidas uonn, numnadamein 8 differentas sorts. Denter quellas era la orchidea-piramida ch'ei schiglioc fetg rara a Sagogn.

La Pro Sagogn engrazia fetg a tut las gidontras e tut ils gidonter per lur agid ed a sagognturissem per Fabian Rungger e per las maschinas. Svetlana Munderich ei vegnida aposta si da Turitg per gidar (mirei aschunta giu sut!)

23.09.2017 33

Cunquei che Fabian Rungger (seniester) ha deplorablamein detg giu sia plazza tier sagognturissem ha el segau la davosa ga Planezzas per la Pro Sagogn. Per siu engaschament en favur dallas orchideas enta Planezzas engrazia Luis Poltéra e surdat ad el in pign present e giavischa tut bien per il futur.

Fotografias dalla lavur cumina

 

Attachments:
Download this file (2017-10-05_LQ Svetlana Munderich.pdf)Svetlana Munderich, ina fideivla gidontra da Pro Sagogn[Artechel ella La Quotidiana dils 05-10-2017]146 kB

La Pro Sagogn al marcau da Sagogn dils 16-09-2017

16.09.2017 14

Franco Casutt (2.), Cavelti Elia (victur) e Christoph Casutt (3., d.s.), tuts Sagogn, han gudignau il sittar cul ballester dalla Pro Sagogn. Els han stuiu tuccar meils sin tgaus dad animals selvadis sil Plaun Segnas. Surprendentamein han dus buobs sittau meglier ch'il catschadur activ. La concurrenza interna dalla famiglia Casutt ha il fegl Franco gudignau.

Cordialas gratulaziuns als victurs.

16.09.2017 4

Sper il sittar cul ballester ha la Pro Sagogn per l'emprema ga saviu schar degustar e vender agen vinars ord la raccolta da meila digl onn vargau. Biaras butteglias ein gia vendidas ed il vinars "Berner Rosen" ei gia vendiu ora. Dasperas havein nus era vendiu must, meila turrida, mèl d'aviuls e differents cudischs. Buca gest corrispundent allas temperaturas han ils visitaders da nos stan survegniu ina bubronda frestgentonta da meila.

Fotografias dil stan dalla Pro Sagogn 2017