Gratulaziuns a canzlist Silvio Casanova

20 onns ha Silvio luvrau sco canzlist da Sagogn.Igl 1.da november 2007 ha el saviu ir en pensiun. La PRO SAGOGN gratulescha al nievpensiunau ed engrazia per sia buna collaboraziun. Nus giavischein a Silvio tut il bien per sia nova perioda dalla veta.

Andreas Caminada: cuschinier da l'onn 2008

Gronda honur per Andreas Caminada da Sagogn che cuschina el Casti Schauenstein a La Punt-Farschno. Il guid GaultMillau ha distinguiu el sco cuschinier da l'onn 2008. En medem temps ha el retschiert in suplementar punct ed ha ussa 18 puncts.En Svizra han mo siat cuschiniers dapli puncts. PRO SAGOGN gratulescha da tut cor.

Premi da promoziun per Remo Caminada

La regenza grischuna ha concediu a Remo Caminada, artist visual, in premi da promoziun da 7000 francs. PRO SAGOGN gratulescha cordialmein e spera che Remo lavuri tuttina vinavon vid nies project da nums locals da Sagogn.

Volg drova Vies sustegn!

Il temps d'emprova da 2 onns va alla fin. La sviulta ei aunc buc optimala. Per mantener la stizun dil vitg duess vegnir cumprau en schi biar sco pusseivel el Volg. Gidei era Vus! Sagogn senza stizun ei buca pli schi attractiv!

Novas commembras da suprastonza PRO SAGOGN

Alla davosa radunonza generala dils 12.09.2007 ein Cornelia Meyer-Cavelti e Maria Rosa Mongili Darms vegnidas elegidas ella suprastonza da PRO SAGOGN. Ellas remplazzan Elisabeth Darms chei vegnida elegida en suprastonza communala.

Conversaziun romontscha

Per tuttas e tuts che han empriu ni ein vid emprender romontsch. Mintga gievgia dallas 09:30-11:00 ella sala dalla casa pervenda reformada, Encarden. Ei vegn exercitau la conversaziun dil mintgagi cun discuorer sur dils pli differents temas. Amanda Beeli (081 921 25 05) selegra sin biars buns discuors.

Fotos senda ferrada dil Pinut

La senda ferrada dil Pinut sur Flem/Fidaz ei ina gronda attracziun. Ella rubrica: fotografias/contuorn dalunsch saveis mirar maletgs dil Pinut e far ponderaziuns sche Vus ughegieis dad ascender el. Buns calzers da muntogna, capellina e cavester da reiver ein recumandai.

dus artistas principalas al open air kino ils 28.07.2007

9. KINO OPEN AIR SAGOGN sonda / Samstag, 28.7.07 nur 1 Abend, nur 1 Film, nur 200 zufriedene Zuschauer Pro Sagogn und Filmclub Ilanz präsentieren DIE HERBSTZEITLOSEN Programm: 20.30 Türöffnung 21.00 Filmclub Ilanz stellt sich vor 21.30 Filmvorführung DIE HERBSTZEITLOSEN (Dauer 80 Min.) Nach dem Film kurze Talk-Runde mit unseren Gästen Heidi-Maria Glössner und Monica Gubser. Der Anlass findet auf dem Schulhausplatz in Sagogn statt, bei schlechtem Wetter in der Mehrzweckhalle. Unsere bewährte Barbeiz, die BAR BLAUA, ist in Betrieb. Zudem lädt die TENDA zu einem Cüpli ein. Herzlich willkommen zu diesem speziellen Sommeranlass in Sagogn.

Exposiziun da sculpturas 23.06. tochen 29.07.2007

Il sculptur Linard Nicolay expona sias ovras el curtgin dil Casti.El lavura duront l\'exposiziun sper la stalla sur il Casti e stat a disposiziun als visitaders mintgamai da gievgia tochen dumengia dallas 10:00 tochen 12:00 e dallas 15:00 tochen 19:00. Il artist selegra da Vossa viseta.

Success per treis uniuns dil vitg

Il zercladur 2007 vegn a restar en memoria sco meins dil cant e dalla musica. Igl ei stau differents success che van ella cronica dil vitg. Uniun da musica Alla fiasta cantunala da musica a Scuol (15.-17.06) ha l'Uniun da musica da Sagogn contonschiu in success historic en sia historia da 46 onns: Cun 170 da 180 tiel toc da pag e 175 da 180 puncts maximals tiel toc da pensum ha la musica da Sagogn gudignau cun grond avantatg da 35 puncts la concurrenza dallas musicas da brass. Suenter Sagogn cun 345 puncts suonda Falera cun 310 e Breil cun 308 puncts. Cunquei ei l’Uniun da musica da Sagogn gia la tiarza gada campiun grischun. L'Uniun da musica da Sagogn ha fatg tutta honur a nossa vischnaunca. Cordiala gratulaziun e grond cumpliment a musicantas e musicants, secapescha ordavon al dirigent Silvio Lechmann. Chor viril Sagogn Dalla fiasta districtuala a Domat (02-03.06) ei il Chor viril da Sagogn turnaus cun ina gronda satisfacziun: Cullas duas canzuns da pag "La glina gira" dad Alvin Muoth e "Danunder" da Gion A. Derungs ha ella contonschiu il predicat "fetg bien". Pil chor eis ei in tierm impurtont che vegn ad ir ella historia dil chor. Pertgei il chor viril ei sepresentaus avon ils experts senza notas, ha pia cantau ordadora. Grond cumpliment al dirigent Gion Cavelty per quei success cun ses 32 cantadurs. Chor baselgia evangelic Il chor mischedau reformau ei separticipaus l'emprema gada ad ina fiasta da cant. La dirigenta Daniela Candrian ha sedau fetg gronda breigia dad exercitar cun ses 20 cantaduras e cantadurs. Il predicat "bien" dallas canzuns "Retuorn dils utschals" ed "Onn per onn" duess buca demotivar, mobein animar e motivar da puspei separticipar ad ina fiasta. Tgisà, forsa ensemen cul chor mischedau catolic.

Augustin Beeli niev canzlist a Sagogn

Nies commember e da biars onns president dil Cerchel Cultural Sagogn ei vegnius elegius sco niev canzlist a Sagogn. El entra en uffeci igl 1.da settember 2007. PRO SAGOGN gratulescha cordialmein e giavischa ad el tut bien en siu niev uffeci. Al canzlist partent Silvio Casanova engraziein nus per la buna collaboraziun e giavischein era ad el tut bien per sia pensiun e ch\'el anfli avunda temps per far sport.