Las visetas guidadas cun Augustin Beeli ein stadas fetg tschercadas

DSC08319

Allas duas visetas guidadas dils 16 e 29 da fenadur 2016 ha la Pro Sagogn astgau beneventar biars interessai.

Cun sia immensa savida ha il historicher local Augustin Beeli incantau ils participonts.

Ella Ruinaulta dils 22 da fenadur 2016 saveis leger dapli detagls dalla guidada (mirei aschunta).

Suenter quei grond success d'uonn vegn la Pro Sagogn era ad organisar il proxim onn duas guidadas.

Pro Sagogn engrazia ad Augustin per siu engaschament e per sia promtadad da menar atras era il proxim onn las guidadas.

Fotografias guidada 29-07-2016 

Biars participonts allas turas dad orchideas 2016

DSC05798

Alla tura dad orchideas dils 28 da matg ein varga 40 persunas, alla tura dils 4 da zercladur bunamein 30 persunas separticipadas. Nus havein deplorablamein buca saviu acceptar tut las annunzias per ils 28 da matg.

Sper ina bellezia vesta sin la Ruinaulta han ils menaders Sepp Zemp e Luis Poltéra saviu mussar l'emprema ga 11 e sin la secunda tura 15 differentas sorts dad orchideas en fluriziun.

Il punct culminont ein puspei stadas las "melli" Pantoflas-Nossadunna egl Uaul Grond. Quellas han incantau ils participonts ch'ein per part aposta vegni si da Turitg. Ulteriuras persunas ein vegnidas da Domat, Panaduz, Razén, Tusaun e Masein. Era quater hosps dall'America, ch'ein cheu en vacanzas, han schau plascher fetg la tura. 

In grond engraziament a Sepp Zemp ed a Steffi Poltéra per lur grond agid ed ad Ernst Hess per las meisas ed ils bauns ch'el ha schanghegiau a Pro Sagogn e che nus havein saviu duvrar per l'emprema ga.

Ils 30 da matg ha la Pro Sagogn astgau menar 13 dunnas dall'uniun da dunnas Sevgein sin la pintga tura da Planezzas.

RTR 08-06-2016: http://www.rtr.ch/novitads/grischun/surselva/sagogn-e-in-eldorado-per-orchideas

 Fotografias dallas turas dad orchideas 2016

Fotografias da tut las orchideas da Sagogn

Tura dad orchideas 28-05 negin plaz pli. Ils 04-06 aunc plazs libers.

Sche pusseivel s'annunziar per ils 4 da zercladur. Ils 28 da matg ei vendiu ora.

Turas dad orchideas

  DSC03422 DSC03446

Cun Sepp Zemp e Luis Poltéra

 Sondas, ils 28 da matg ed ils 4 da zercladur 2016

  Liug da s’entupar: parcadi sper scola Sagogn allas 08:30

Ruta: Bargaus-Foppas-Tuora-Planezzas (ca. 4 uras, 10 km, 350m differenza d'altezia)

La tura meina Vus tier differents plazs dad orchideas e tier bellezia puncts da vesta ella Ruinaulta.  

Da bialaura grillein nus suenter la tura (circa allas 12:30) a Planezzas. 

Marenda ord il sacados.

Cuosts inclus apéro e bubrondas a Planezzas: Commembers da Pro Sagogn, indigens, possessurs da cartas da hosps ed affons frs. 5.- per persuna.

Ulteriuras persunas frs. 25.- per persuna.

L’excursiun ha liug era da macort’aura. Buns calzers!

 

Ulteriuras informaziuns ed annunzias sut Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! ni tier Luis Poltéra, tel. 081 921 63 51.

Ulteriuras turas sin damonda.

 

 

Tempo 30 a Sagogn

Sagogn 30

La Quotidiana 13-05-2016

L'iniziativa che vul introducir tempo 30 a Sagogn ei vegnida acceptada alla radunonza communala dils 12 da matg cun 54 cunter 50 vuschs. Ussa vegn instradada la procedura per introducir tempo 30.

Las victuras ed il victur dil ruclar ovs 2016

DSC03846

Seniester: Anna Randegger, victura teir ils carschi

miez: Anja Timea Arpagaus, victura tier ils scolars

dretg: Norin Steinhauser, victur tier ils affons pigns

Tuts treis habiteschan ella Via Fanaus a Sagogn.

Cordialas gratulaziuns allas victuras ed al victur.

 In grond engraziament a tuttas e tuts participonts e sin seveser l'auter onn da gliendisgis Pastgas (17 d'avrel 2017).

Fotografias dil ruclar ovs 2016

 

 

 

Rinaldo Jörg gudogna il 5avel turnier da troccas dalla Pro Sagogn

DSC02681

Meinrad Cadruvi (2., seniester), il victur Rinaldo Jörg e Giuanna Beeli (3.)

Cun Rinaldo Jörg ha il pli vegl participont dil turnier (86 onns!) gudignau l'occurenza. "El hagi giu il pli bia temps per exercitar" ha el manegiau. Suenter la victoria digl onn vargau ei Meinrad Cadruvi puspei staus sil podest, Giuanna Beeli sco tiarza ha representau la generaziun giuvna.

Cordialas gratulaziuns alla victura ed als victurs.

In grond engraziament a Renata ed Annalisa Cathomas ed a Johann Cantieni per la stupenta organisaziun e per lur stentas dad encurir participonts.. Cun 36 participonts ha ei danovamein dau in niev record e la sala dall'ustria Sil Plaz era stignada pleina.

Ina gronda honur per Pro Sagogn ei la preschientscha dil pli ault Grischun dil 2016, il president dil cussegl grond, Vitus Dermont stada. El ei vegnius directamein naven dil FEM a Tavau per separticipar al turnier.

Fotografias dil turnier 2016 

Las loipas e la Tegia Nordica ein puspei serradas

Ord munconza da neiv ein las loipas e la Tegia Nordica puspei serradas. Schegleiti ch'ei ha avunda neiv vegnan ellas puspei aviartas.

DSC02522

La nov'ustria dil Selvaclub sesanfla ussa sut la canzlia veglia.

Amanda Beeli arva ella tenor l'aura. Ella selegra sin Vossa viseta.

 

DSC02561

La loipa cuorta ei preparada. Gudi ella avon ch'ella liua puspei!

Las ulteriuras loipas vegnan preparadas schegleiti ch'ei ha neiv avunda.

Rapport dallas loipas el contuorn: http://www.trinnordic.ch/de/

Finiastras d'advent 2015

                      Finiastras d’Advent 2015

Fotografias dallas finiastras d'advent 2015

 Preziadas convischinas, preziai convischins da Sagogn

Nus selegrein da saver presentar a Vus las suandontas finiastras d’Advent:

 

1. Manuel   Lombris, Via Sum las Cuorts 13
2. Thouet   Ute, Via da Laax 15
3. Juon   Elisabeth, Via Fanaus 14
4. Steinhauser   Norin, Via Fanaus 12
5. Steinhauser   Dorina, Via Fanaus 12
7. Jäger   Claudia, Via Taviarna 2
8. Derungs   Eric, Via Fanaus sura 2
9. Weishaupt   Angela, Via Catschegn 13
11. Caderas   Anna Gheta, Via Catschegn 22
12. Steinhauser   Tina, Via Catschegn 15
13. Caduff   Jasmin, Via Patialas 15
14. Weishaupt   Nicole, Via Patialas 12
15. Gfeller   Lea, Salome e Marius, Via Sorts 8
16. Casa   pervenda reformada Via Cresta 10
17. Caderas   Claudia, Via Vitg Dadens 43
18. Fam. Oertli   , Via Vitg dadens 2
19. Birri   Daniela, Via Muleins 4
20. Battaglia   Zora, Via Vitg dado 30
21. Arquisch   Faustina e Barclamiu, Via Vitg dado 17
22. Jakob   Sonja, Via Vitg Dado 6
23. Cavelti   Amanda, Via Fraissen 1
24. Fam.   Schöpf, Via Vilada 52

 

Ils 29 da december allas 18.00 uras mein nus communablamein a mirar las finiastras decoradas. Partenza dalla fontauna dil Casti Aspermont. Silsuenter dat ei in pign apéro enramaus cun presentaziuns musicalas.

Nus giavischein a tuts in bi temps d’advent ed ina biala fiasta da Nadal.

Am 29. Dezember um 18.00 Uhr treffen wir uns zu einer Besichtigung der dekorierten Fenster. Der gemeinsame Rundgang startet beim Brunnen am Casti Aspermont mit anschliessendem Apéro und musikalischer Unterhaltung.

Wir wünschen allen eine schöne Adventszeit und fröhliche Weihnachten.

La suprastonza dall’uniun da dunnas Sagogn

Premi solar europeic 2015 per Linus Weishaupt

image span121

Foto: L. Livers, RTR

Il premi solar europeic 2015 survegn la firma Cavigell Inschiniers SA da Glion per lur baghetg da fatschenta, in monolit ch'ei vegnius baghegiaus tenor las normas d'Energia Plus.

Planisau e construiu quei baghetg che producescha 238% energia han ils architects Fabian Vincenz (Glion) e Linus Weishaupt (Sagogn).

La Pro Sagogn gratulescha cordialmein als premai, surtut a nies commember Linus e giavischa vinavon bien success.

http://www.vincenz-weishaupt.ch/