Las victuras ed il victur dil ruclar ovs 2016

DSC03846

Seniester: Anna Randegger, victura teir ils carschi

miez: Anja Timea Arpagaus, victura tier ils scolars

dretg: Norin Steinhauser, victur tier ils affons pigns

Tuts treis habiteschan ella Via Fanaus a Sagogn.

Cordialas gratulaziuns allas victuras ed al victur.

 In grond engraziament a tuttas e tuts participonts e sin seveser l'auter onn da gliendisgis Pastgas (17 d'avrel 2017).

Fotografias dil ruclar ovs 2016

 

 

 

Rinaldo Jörg gudogna il 5avel turnier da troccas dalla Pro Sagogn

DSC02681

Meinrad Cadruvi (2., seniester), il victur Rinaldo Jörg e Giuanna Beeli (3.)

Cun Rinaldo Jörg ha il pli vegl participont dil turnier (86 onns!) gudignau l'occurenza. "El hagi giu il pli bia temps per exercitar" ha el manegiau. Suenter la victoria digl onn vargau ei Meinrad Cadruvi puspei staus sil podest, Giuanna Beeli sco tiarza ha representau la generaziun giuvna.

Cordialas gratulaziuns alla victura ed als victurs.

In grond engraziament a Renata ed Annalisa Cathomas ed a Johann Cantieni per la stupenta organisaziun e per lur stentas dad encurir participonts.. Cun 36 participonts ha ei danovamein dau in niev record e la sala dall'ustria Sil Plaz era stignada pleina.

Ina gronda honur per Pro Sagogn ei la preschientscha dil pli ault Grischun dil 2016, il president dil cussegl grond, Vitus Dermont stada. El ei vegnius directamein naven dil FEM a Tavau per separticipar al turnier.

Fotografias dil turnier 2016 

Las loipas e la Tegia Nordica ein puspei serradas

Ord munconza da neiv ein las loipas e la Tegia Nordica puspei serradas. Schegleiti ch'ei ha avunda neiv vegnan ellas puspei aviartas.

DSC02522

La nov'ustria dil Selvaclub sesanfla ussa sut la canzlia veglia.

Amanda Beeli arva ella tenor l'aura. Ella selegra sin Vossa viseta.

 

DSC02561

La loipa cuorta ei preparada. Gudi ella avon ch'ella liua puspei!

Las ulteriuras loipas vegnan preparadas schegleiti ch'ei ha neiv avunda.

Rapport dallas loipas el contuorn: http://www.trinnordic.ch/de/

Finiastras d'advent 2015

                      Finiastras d’Advent 2015

Fotografias dallas finiastras d'advent 2015

 Preziadas convischinas, preziai convischins da Sagogn

Nus selegrein da saver presentar a Vus las suandontas finiastras d’Advent:

 

1. Manuel   Lombris, Via Sum las Cuorts 13
2. Thouet   Ute, Via da Laax 15
3. Juon   Elisabeth, Via Fanaus 14
4. Steinhauser   Norin, Via Fanaus 12
5. Steinhauser   Dorina, Via Fanaus 12
7. Jäger   Claudia, Via Taviarna 2
8. Derungs   Eric, Via Fanaus sura 2
9. Weishaupt   Angela, Via Catschegn 13
11. Caderas   Anna Gheta, Via Catschegn 22
12. Steinhauser   Tina, Via Catschegn 15
13. Caduff   Jasmin, Via Patialas 15
14. Weishaupt   Nicole, Via Patialas 12
15. Gfeller   Lea, Salome e Marius, Via Sorts 8
16. Casa   pervenda reformada Via Cresta 10
17. Caderas   Claudia, Via Vitg Dadens 43
18. Fam. Oertli   , Via Vitg dadens 2
19. Birri   Daniela, Via Muleins 4
20. Battaglia   Zora, Via Vitg dado 30
21. Arquisch   Faustina e Barclamiu, Via Vitg dado 17
22. Jakob   Sonja, Via Vitg Dado 6
23. Cavelti   Amanda, Via Fraissen 1
24. Fam.   Schöpf, Via Vilada 52

 

Ils 29 da december allas 18.00 uras mein nus communablamein a mirar las finiastras decoradas. Partenza dalla fontauna dil Casti Aspermont. Silsuenter dat ei in pign apéro enramaus cun presentaziuns musicalas.

Nus giavischein a tuts in bi temps d’advent ed ina biala fiasta da Nadal.

Am 29. Dezember um 18.00 Uhr treffen wir uns zu einer Besichtigung der dekorierten Fenster. Der gemeinsame Rundgang startet beim Brunnen am Casti Aspermont mit anschliessendem Apéro und musikalischer Unterhaltung.

Wir wünschen allen eine schöne Adventszeit und fröhliche Weihnachten.

La suprastonza dall’uniun da dunnas Sagogn

Premi solar europeic 2015 per Linus Weishaupt

image span121

Foto: L. Livers, RTR

Il premi solar europeic 2015 survegn la firma Cavigell Inschiniers SA da Glion per lur baghetg da fatschenta, in monolit ch'ei vegnius baghegiaus tenor las normas d'Energia Plus.

Planisau e construiu quei baghetg che producescha 238% energia han ils architects Fabian Vincenz (Glion) e Linus Weishaupt (Sagogn).

La Pro Sagogn gratulescha cordialmein als premai, surtut a nies commember Linus e giavischa vinavon bien success.

http://www.vincenz-weishaupt.ch/

 

Fotografias Wine & Dine 17-10-2015

DSC01125

Era tier il davos Wine & Dine ha Walter Schibli saviu dar biaras ed interessantas informaziuns sur da vins svizzers.

Igl ei danovamein stau ina biala e buna sera culinarica.

In grond engraziament a Walter, Silvia e Laura Schibli sco era al team dil Sil Plaz cun Lepi, sia dunna ed Ines Cavelti.

Cun quella sera va il ciclus da Wine & Dine alla fin.

Pro Sagogn engrazia a tut ils gidonters dils davos 7 onns.

Fotografias Wine & Dine 17-10-2015

Wine & Dine 17-10-2015: annunziar ussa!

wine and dine 2015

Ils 17 d'october organisescha Pro Sagogn il 7avel Wine & Dine cun Silvia e Walter Schibli.

Cun vins svizzers serrein nus giu quei ciclus da Wine & Dine.

Annunzias tochen ils 11 d'october pren bugen encunter Luis Poltéra 079 440 69 39 ni sut Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

 

Attachments:
Download this file (Rezept Silvia's Apéro  2015.doc)Recept apéro da Silvia 2015[ ]11 kB
Download this file (Wine and Dine 2015 Druck.pdf)Placat Wine & Dine 2015[ ]127 kB

Il calender da Pro Sagogn 2016 ei cumparius

kalender2016 oktober

Tut las fotografias ein da Rishi Shresta, in nepales che habitescha a Sagogn.

Ils calenders san vegni cumprai per frs. 25.- il toc tier Natascha Cavelti, tel. 078 823 97 01, sin canzlia communala, tier l'uniun da traffic Sagogn ni ell'ustria Sil Plaz.

Il recav net va per unfrendas dil tiaratriembel el Nepal che Rishi enconuscha.

Attachments:
Download this file (Pro_Sagogn_Kalender_2016.pdf)Igl entir calender 2016[ ]7478 kB