S'annunziei per l'excursiun si Guraletsch dils 03-08-2013

Edelweisse Guraletschsee 26.07.2013  Reko-Tour 082

Quellas steil'alvas spetgan sin Vus (foto: Sepp Zemp).

 

Excursiun botanica cun Sepp Zemp e Peter Enz

Sonda, ils 3 d’uost 2013, sentupar allas 08.00 avon la canzlia.

Sepp Zemp meina nus sin quella tura leva en duas uras naven dil parcadi Zervreila tochen sil Lag da Guraletsch sin 2409 m.s.m. Suenter ina pausa pli liunga alla riva digl idillic lag alpin turnein nus anavos al liug da partenza.

Special vid quell’excursiun ei ch’il menader dil curtgin botanic dall’universitad da Turitg, Peter Enz, accumpogna nus. Sper las steilalvas e las astras da Guraletsch vegn el a declarar a nus l’entira multifariadad dalla flora alpina. Sco finiziun dalla tura fagein nus ina pausa da caffè ell’ustria da muntogna da Zervreila.

Per la participaziun all’excursiun vegn incassau ina summa da frs. 10.00 per carschi, affons gratuit.

S’annunziar direct tier il guid da viandar Sepp Zemp, Tel. 081 921 25 64.