Las fotografias per il calender dil vitg 2014 ein elegi

DSC03323

Pro Sagogn – calender dil vitg 2014

La primavera vargada ha la Pro Sagogn envidau da separticipar ad ina concurrenza da fotografias pil calender dil vitg 2014. Varga 30 persunas, indigens e hosps da vacanzas, han tarmess a nus bunamein 80 fotografias. Grond engraziament a tuts per lur interess.Igl ei buca stau lev d’eruir ils megliers sujets ord las suandontas tematicas:

Sagogn ellas stagiuns, Sagogn ella natira, survestas, cuntradas, quartiers, fiastas, gruppas da persunas en acziun.

Cullas cundiziuns che nus havevan tschentau, - la soluziun ed il format dalla fotografia ein stai decisivs - havein nus elegiu 13 maletgs pil calender 2014. Ei dat in bi calender cun bialas impressiuns tenor stagiuns ed ei fa plascher da communicar ils nums dils fotografs e dallas fotografas:

Shrestha Rishi, Le Grand Yvonne, Akeret Katharina, Wiesner Kristine, Darms Aurelia, Häfliger Ursi, Johannes-Richter Kathrin, Darms Arianna, Blumberg Katrin, Bühlmann Max e Meyer Weber Ingrid.

A caschun dil marcau dil vitg ils 14 da settember 2013 surdein nus ad els sco emprems mintgamai in exemplar dil calender. Nus supplichein era mintga participonta e mintga participont da vegnir tiel stan dalla Pro Sagogn nua che nus regalein a tuts in bi premi da consolaziun.

Nus selegrein da veser vus al marcau dil vitg ed engraziein a tuts cordialmein per la participaziun.